In nomine Domini. Ego Bernardus dono ad locum Cluniacum vineam in pago Matisconensi, in agro Rifei, in villa Lornanti, quę in Corcellas vocatur; et terminatur a mane terra Sancti Petri, a meridie ipsa hereditate, a sero et a circio terra Sancti Petri. In ipsa villa do pratum quantum mihi advenit; et in alio loco duos campos qui in Fortunas vocantur, quantum mihi advenit. Ipsas res superius nominatas dono Deo et Sancto Petro pro remedio animę meę, et victu et vestitu corporis mei. S. Bernardi, qui fieri et firmare rogavit. S. Gualdini, Andreę, Sismundi, Tedaldi, Rodgerii. Bertrannus monachus scripsit in mense februario, feria VI, regnante Rotberto.